الدعم

تحتاج مساعدة في قريّب؟ نحن هنا لخدمتك. تواصل معنا بالإيميل أو تصفّح الأسئلة الشائعة بالأسفل.

راسلنا في أي وقت

support@gryb.app

عادةً نرد خلال يوم إلى يومين عمل.

الدعم داخل التطبيق

افتح ملفك الشخصي واضغط «تواصل معنا» واكتب رسالتك. نرد عليك داخل التطبيق ويوصلك إشعار

عندك فكرة رهيبة؟

من ملفك الشخصي ادخل «الاقتراحات» واضغط «اقترح فكرة». الكل يشوف فكرتك ويصوّت لها، وما يشوفون اسمك. ونقرأ كل اقتراح

الأسئلة الشائعة

ليش ما ألقى أحد أكلمه؟

قريّب يطابقك فقط مع المستخدمين المتواجدين الآن وقريبين منك. في الأوقات الهادئة، خاصة في وقت متأخر من الليل أو في المدن الصغيرة، قد تحتاج تنتظر شوي لين يدخل أحد.

لو فعّلت الإشعارات، نرسل لك تنبيه لمن أحد قريب يبدأ البحث، عشان تدخل بسرعة وتلحقه.

ليش محد يقبلني لما أبحث؟

لما نلقى لك أحد، يشوف حسابك ويختار يقبل أو لا. وإذا كانوا اللي يبحثون قريب منك قليلين، يتوسع البحث لناس أبعد

جرّب في الأوقات اللي يكثر فيها الناس مثل العصر والمساء. والاسم والصورة الواضحة تفرق كثير

طلب الصداقة حقي معلّق

طلب الصداقة يظل معلّق لين يقبله الشخص الثاني. وإذا ما قبله خلال 14 يوم، ينتهي الطلب

إذا انتهت المكالمة بدري، ترجع لي التوكنز؟

إيه. التوكنز ترجع لك تلقائيًا إذا انتهت المكالمة بدري

كيف تشتغل توكنات فلتر الجنس؟

افتراضياً، تتم مطابقتك مع أي شخص قريب (عشوائي). إذا حبيت تطابق فقط مع رجال أو فقط مع نساء، يتم خصم عدد بسيط من التوكنات عند قبول المكالمة من الطرفين.

إذا فشل الاتصال (مثلاً تمت المطابقة لكن المكالمة انتهت خلال ثوانٍ بدون محادثة فعلية)، يتم إرجاع التوكنات لك تلقائياً. ما تدفع مقابل مكالمات فاشلة.

كيف ألغي اشتراك قريّب بلس؟

الاشتراكات تُدار من حساب Apple ID، مو من داخل قريّب. لإلغاء الاشتراك:

افتح الإعدادات في الآيفون ← اضغط على اسمك في الأعلى ← الاشتراكات ← قريّب بلس ← إلغاء الاشتراك.

تبقى مميزات بلس فعّالة لين نهاية فترة الفوترة الحالية.

كيف أحذف حسابي؟

من داخل التطبيق: افتح تبويب الملف الشخصي ← الإعدادات ← الحساب ← حذف الحساب.

ليش وصلني تحذير أو حظر؟

إذا قام عدد من المستخدمين بالإبلاغ عنك بسبب مخالفة قواعد المجتمع (مثل التحرش، خطاب الكراهية، مشاركة معلومات اتصال شخصية، أو محتوى غير لائق)، نظام الإشراف في قريّب قد يصدر تحذير، أو حظر مؤقت، أو حظر دائم، حسب شدة المخالفة وعدد البلاغات.

إذا كنت تعتقد أن الحظر صدر بالخطأ، راسلنا على support@gryb.app مع اسم حسابك وسنراجع الحالة.

كيف أبلّغ عن شخص؟

خلال المكالمة أو بعدها، اضغط على خيار إبلاغ واختر السبب الأنسب لما حصل. تقدر أيضاً تبلّغ عن صديق من خلال ملفه الشخصي أو شاشة المحادثة.

تتم مراجعة البلاغات بواسطة نظام إشراف آلي. لا نُظهر اسمك للشخص الذي أبلغت عنه.

عندي سؤال غير اللي فوق.

راسلنا على support@gryb.app مع أكبر قدر من التفاصيل: اسم حسابك، وش كنت تحاول تسوي، وأي رسالة خطأ ظهرت. نرد عليك خلال يوم إلى يومين عمل.